ပြည်ထောင်စုသမ္မတမြန်မာနိုင်ငံဆိုင်ရာ အိန္ဒိယရေတပ်စစ်သံမှူး Captain Manoj Kumar Pandey အား၂၀၂၄ ခုနှစ်၊ နိုဝင်ဘာလ ၁၈ ရက်နေ့ နံနက်ပိုင်းတွင် ကမ်းခြေစောင့်တပ်ဖွဲ့ ကွပ်ကဲမှုဌာနချုပ်၌ ကမ်းခြေစောင့်တပ်ဖွဲ့ ညွှန်ကြားရေးမှူးချုပ် ဗိုလ်မှူးချုပ် တက်လွင်ထွန်းမှ လက်ခံတွေ့ဆုံခဲ့ပါသည်။
ထိုသို့တွေ့ဆုံရာတွင် ကမ်းခြေစောင့်တပ်ဖွဲ့၏ ဖွံ့ဖြိုးတိုးတက်မှုများကို တိုးတက်လုပ် ဆောင်နိုင်ရေး ၊ ကမ်းခြေစောင့်တပ်ဖွဲ့၏ လုပ်ငန်းတာဝန်များကို ကျယ်ကျယ် ပြန့်ပြန့်လုပ်ဆောင် နိုင်ရန် တပ်ဖွဲ့ဝင်များ၏ စွမ်းဆောင်ရည် မြင့်မားစေရေးအတွက် လေ့ကျင့်မှုများ ဆောင်ရွက် နိုင်ရေး၊ ရေကြောင်းသက်ဆိုင်မှုနယ်ပယ်နှင့် စပ်လျဉ်း၍ ရေကြောင်းဆိုင်ရာ အဖွဲ့အစည်းများ အားလုံး ပူးပေါင်းပါဝင်ဆောင်ရွက်နိုင်ရေး၊ ကမ်းခြေစောင့်တပ်ဖွဲ့များအကြား သတင်း အချက်အလက် မျှဝေခြင်းပိုင်းဆိုင်ရာ အပါအဝင် ပူးပေါင်းဆောင်ရွက်နိုင်ရေးနှင့် ပင်လယ် ရေကြောင်းဆိုင်ရာတရားဥပဒေစိုးမိုးရေးကို ထိရောက်စွာ ဆောင်ရွက်နိုင်ရေးတိုနှင့် ပတ်သက် ၍ အမြင်ချင်းဖလှယ် ဆွေးနွေးခဲ့ကြပါသည်။
